Momentum virium

Momentum virium, sive plenius momentum virium respectu axis (symbolum usitatum $\overrightarrow{\tau }$ de verbo torquĕo derivatum), est velut vis angularis, quae corporis rotationem efficit, auget, vel diminuit, secundum aequationem:

$\overrightarrow{\tau }=I\overrightarrow{\alpha }$

ubi

$I$ est corporis momentum inertiae, et

$\overrightarrow{\alpha }$ est acceleratio angularis.

$\overrightarrow{\tau }$ quidem ab vi $\overrightarrow{F}$ calculatur per formulam definientem:

$\overrightarrow{\tau }=\overrightarrow{r}\times \overrightarrow{F}$

ubi

$\overrightarrow{r}$ est vector ab axi rotatorio in punctum corporis ubi vis agitur, et

$\times$ est productum vectorale.

Cum rotatio solum circum axim fixum producitur, facilius est solum magnitudinem momenti tractare: tunc quidem saepe scribitur tantum:

$\tau =rF\sin \theta$

ubi

r est distantia ab axi in punctum ubi vis agitur,

F est magnitudo vis, et

θ est angulus inter $\overrightarrow{r}$ et $\overrightarrow{F}$.

Unitas momenti virium a producto distantiae per magnitudinem virium multiplicatae datur: quod in Systemate Internationali unitatum est Newtonium-metrum, Nm.

• Momentum
• Rotatum