Rotatum

Rotatum (a rotando) in physica est derivatum momenti virium de tempore. Quod per aequationem scriptum, rotatum Ρ est:

$\overrightarrow{P}=\frac{d\overrightarrow{\tau }}{dt}$

ubi τ est momentum virium et $\frac{\mathrm{d}}{\mathrm{d}t}$ est derivatum de tempore $t$. Vocabulum rotatum non ubique adnoscitur, sed generatim adhibetur. Unitates rotati sunt vis per distantiam per tempus, vel (eadem res) massa per longitudinem quadratam per tempus potentia tertia; in unitatibus basicis SI hoc est chiliogramma metrum quadratum per secundum potentia tertia (kg·m²/s³), vel newtonia per metrum per secundum (N·m²/s).

Coniunctio cum aliis quantitatibus physicis

Secunda lex Newtoni, motum angularem tractans, dicit:

$\mathit{\tau }=\frac{\mathrm{d}𝐋}{\mathrm{d}t}$

ubi L est momentum angulare; ergo, si aequationes superiores commiscemus:

$\mathrm{P}=\frac{\mathrm{d}\mathit{\tau }}{\mathrm{d}t}=\frac{\mathrm{d}}{\mathrm{d}t}\left(\frac{\mathrm{d}𝐋}{\mathrm{d}t}\right)=\frac{{\mathrm{d}}^2𝐋}{\mathrm{d}{t}^2}=\frac{{\mathrm{d}}^2(I\cdot \mathit{\omega })}{\mathrm{d}{t}^2}$

ubi $I$ est momentum inertiae et $\omega$ est velocitas angularis. Si momentum inertiae per tempus non mutatur (i.e., constans est), tum:

$\mathrm{P}=I\frac{{\mathrm{d}}^2\omega }{\mathrm{d}{t}^2}$

quod etiam scribi potest:

$\mathrm{P}=I\zeta$

ubi ς est motus subitus angularis.

• Flexus
• Rotatio

Nexus externi

• "Why is rotatum an unphysical quantity?" apud Quora