Fontem paginae Osmosis inspicere

'''Osmosis''' (-is, ''f.'') est eventum [[chemia|chemicum]] quod in [[aqua]]e motu per [[membrum|membranam]] constat. Enim cum [[liquidum|liquida]] [[solutio]] divisa a membrana sit in partes duas, quarum in altera maior, in altera minor materiae solutae sit conglomeratio, evenit ut aqua ad [[aequilibrium]] soluti utraque parte restituendum per membranam motu proprio transiat, eo quo minus soluti consistat magis affluens. Membranae tantum aquae permeabiles, impenetrabiles vero gravioribus soluti [[molecula|moleculis]] sunt, ita ut nihil solutionis nisi aqua transire possit. Exitus huius spontanei processus est, aqua permota, pondera solutionis infra et extra membranam aliud ex alio varia, partitiones autem solventis solutique aequales fieri. 

== De pressione osmotica ==
[[Pressio]] osmotica, id est [[vis]] ab aquae motione per membranam exercitata, crescit usque ad pressionem ponderis aquae solutionis aequatam. Pressioni isti haec est [[mathematica]] formula:               

::'''<math> \pi = MRT</math>'''

ubi π est osmotica pressio, ''M'' designat [[numerus|numerum]] [[moles|molium]] in [[volumen]] divisum, ''R'' est numerus constans (0,0821) et ''T'' [[temperatura]] sive gradus caloris.

== Permeatores alii ==
[[Fasciculus:Semipermeable membrane.png|thumb|Permeabilis membranula motioni particularum serviens]]
Praeter moleculas aquae, aliquando etiam particulae aliae naturae membranas transire possunt, maioribus contra retentis, nulla aliena vi adnitente. Quod saepissime non in liberis solutionibus aquariis, sed per [[cellula]]rum minimas membranulas accidere videtur: sic enim cellulae ab externo varias moleculas utiliaque complura accipiunt.

{{NexInt}}
* [[Fluidum]]
* [[Homeostasis]]
* [[Membrana cellulae]]
* [[Status materiae]]

[[Categoria:Chemia]]
[[Categoria:Physica]]
[[Categoria:Biologia]]

{{Myrias|Physica}}