Fontem paginae Nomina permagnorum numerorum inspicere

[[Numerus]] est quaelibet [[idea]] qua utimur ad [[quantitas|quantitatem]] et multiplicitatem signandam. [[Unitas]] vero numerus non est, sed est initium, parsque numeri: numerus enim plura complectitur, quae unitas sine dubio excludit. Numerus vero oritur, si plura eiusdem speciei individua, sive quantitates simul in unam summam congregantur. Unde plures unitates numerum constituunt, qui eo maior erit, quo plures unitates in summam collectae fuerint.

'''Notatio numerica''' est tanquam [[ars]] numeros exprimendi per [[character]]ibus, figuris, [[vocabulum|verbisque]] plane dispositis: hoc modo intellegendam est tanquam systema, quod ad [[scriptura]]m atque enuntiationem numericam constituitur. Notatio talis esse debet, ut possibile efficiat quoslibet numeros scribere, etiamque eos legere ex vera eorum magnitudinis notione.

'''Numerus permagnus''' est quilibet numerus enormium multitudinum, et magnarum quantitatum significans, maxime ex illis sumptus, qui ordinem millenorum excedunt. '''Nomina permagnorum numerorum''' nobis adiumento sunt non solum in describenda entium rerumque multiplicitate, sed etiam in computatione ingentium quantitatum. Pleraeque res cotidianae, quas hodie habemus, perdissimiles sunt ac res antiquorum Romanorum. Hodie enim non solum novas res, sed etiam novas magnitudines habemus, maxime in orbe scientifico, et nonnumquam, cum eas sumimus describendas, nobis permagnis numeris opus est. Illos uero [[numeri Arabici|numerationis Indo-Arabicae]] opibus ad libitum exprimere possumus, sed etiamnunc verba idonea nobis deficiunt. Mathematici Francogallici hoc problema solvere conati sunt, et systemata scalaria invenerunt. 

'''Myrias''' exempli gratia primus fuit ex numeris permagnis apud antiquos Graecos, quo magnitudo vel quantitas ''decem millium'' signabatur. Decem millia etiam inter numeros permagnos apud antiquos Romanos constabat. Multa post saecula creatus est ''[[millio]]'', nomen cum significatione ''mille millium''. Alius ex numeris permagnis singulariter nominatis est ''[[Milliartum]]'', cuius prima significatio ''millio millionum'' fuit. Postea [[billio]] creatus est ad millionem millionum significandum. Quamvis verba [[millio]]nis, [[billio]]nis aliaque similia quodammodo nova sint in litteris Latinis, saepe barbara quibusdam auctoribus, nobis tamen expediunt numeros permagnos efferre, neque est quod ea refugiamus, cum apte exprimantur quod alias molesta millionum milliumque repetitione sit significandum. Millio ''mille millia'', billio ''millionem millionum'' significat in scalis longis, quarum dispositio maiore cum subtilitate definitur.

'''Scalae numerationis''' nihil aliud denique sunt quam indices in quibus numeri permagni notis, nominibus, significationibus disponuntur. Systemata numerationis in usu sunt ex uniuscuiusque nationis lingua, legibus, et moribus regionalibus.

Infra in tabulis systemata duo describuntur, quorum unum [[scalae longae et breves|scalae longae]], alterum scalae breves appellatur. Ut perspicuam de utrumque systema notionem constituere possimus, summatim dicendum quod unum per dignitates milliarias, alterum per dignitates millionarias exprimitur. Analysi autem minutiosa facta, creditur systema brevium scalarum nulla cum accuratia constitutum fuisse, hodieque eius inaccuratia, etiam illis parum versatis in rebus mathematicis, protinus patescit.

== Historia ==
{| class="wikitable"
|width="10%" valign="top"|[[saeculum 3 a.C.n.|Saeculo III a.C.n.]]
|width="90%"|[[Archimedes]] Syracusanus ([[287a.C.n.]]-[[212a.C.n.]]), mathematicus Graecus in opere suo ''Psammites'' (Arenarius) sibi proposuit demonstrare seriem numerorum infinitam esse, neque ullam fingi posse multitudinem, quae numeris definiri non posset. Cum proverbium tritum esset, arenam innumerabilem esse, arenae potissimum numerum Archimedes demonstrandum sumpsit. Archimedes primus fuit, qui modo brevissimo rationem numerandi perfectam, quomodo nominibus paucis paucisque notis per positiones certas gradatim promotis, numeri ingentes exprimi possint, plane demonstravit. Quae autem de numeris ingentibus nominandis attulit, minimi ponderis sunt, sed demonstrationi admodum inserviunt. Praeterea, eam numerandi rationem, qua nunc utimur, in Archimedis opere non invenimus. Illo tempore myrias ingens numerus erat, aequalis decem millibus. Maximus autem numerus cognitu possibilis erat una myrias myriadum (10<sup>8</sup>). Quapropter ab Archimede propositum est systema numerationis in potentiis myriadum myriadum fundatum. Post aliquas computationes inveniri potest, secundum Archimedem, numerus arenarum necessarium ad Terram implendam, qui exprimitur <math>((10^8)^{(10^8)})^{(10^8)}</math> (octava basis decem potentia, evecta ad octavam basis decem potentiam, evectam ad octavam basis decem potentiam) vel <math>10^{8\cdot 10^{16}}</math> (decem ad octies sedecimam basis decem potentiam evecto) vel <math>10^{80\cdot 10^{15}}</math> (decem ad octogies quintam decimam basis decem potentiam evecto).
|-
| valign="top"|[[saeculum 10|Exeunte saeculo X]]
|[[Silvester II| Gerbertus Aureliacencis]] (c.946-1003), [[monachus]] Francogallicus, opera tria scripsit, rerum novarum nuntiatoria: ''Regula de abaco computu'', ''Libellus de numerorum divisione'', et ''Liber abaci''. His operibus usum signorum Indo-Arabicorum instituit Gerbertus in Europa medioaevali, novamque praxim computatoriam per abacum efficiendam docuit. Cum huiusmodi signa nondum cognita erant in Europa, Gerbertus notis Romanis usus est in describendis operationibus per abacum ductis. Abacus Gerberti tabula est, quae in viginti septem columnas dividitur; unaquaeque eius columna apice praedita est, quo signatur una ex quattuor magnitudines, scl. ''unitates'', ''decades'', ''centenae'', ''millia''. Periodi numerica in abaco per arcubus denotantur, e.g. sextus arcus centena millia denotat, et centenaris millenus arcus nominatur. Quilibet numerus per notarum positionem, una cum magnitudinum multiplicatione, plane definitur; omnes tandem numeri, praecipue permagni, unico modo efferri possunt. In hoc systemate non erat opus numerum [[0|zerum]], tunc incognitum, adhibere; zerus in [[abacus|abaco]] tantummodo positio vacua erat. Possibile erat ergo omnes numeros, praecipue permagnos, in abaco signare, eosque per ordines designare, e.g. mille, mille-mille, mille-mille-mille, et ita ad infinitum. Gerbertus scala brevi utebatur, et systemate suum in base milliaria fundabatur. Attamen plus quam quattuor saecula intercederentur, ut hocce novum systema in Europa late vulgari potuisset.
|-
| valign="top"|[[saeculum 13|Saeculo XIII]]
|[[Maximus Planudes]] (c.1260-1330), monachus Graecus, primum fuisse putatur, qui verbum ''[[decies centena milia|millio]]'' in scriptis mathematicis adhibuit. Primus etiam inter Graecos fuisse, qui notis numericis Indicis usus in numerando fuerit, [[Rerum gestarum scriptor|historici]] consentiunt. Maximus vixit antequam notae arithmeticae ad [[Arabes]] transiissent: eas creditur directe a mathematicis Indianis accepisse. Operi suo inscripto ''Ars calculatoria secundum Indos, Magna appellata'' prima verba apposuit, quibus permagnorum numerorum ratio atque usus tradi possent.<ref>Millio significat, usque ab Latina origine, ''magnum mille''. In notatione numerica [[Numeri Arabici|Indoarabica]] millio septima nota digitali signatur.</ref> Verbum ''million'' in usu erat in Italia, translatum ex lingua Latina.

Millio (Italice: ''Milione'') cognomen fuit, quod [[Marcus Paulus Venetus|Marco Paulo]] (1254-1324) imposuerunt, fortasse tractum ex opulentia dictu incredibili ab eo inventa in [[imperium Sinicum|regionibus Sinensibus]], cum officium legatorium exercebat. Ipsa domus, in qua Marcus Paulus cum familia habitabat, vulgo ''aula Millionum'' nuncupabatur.<ref>Giovanni Ramusio, ''Raccolto delle Navigationi et Viaggi''. Venetiis: Stamperia de Giunti, 1574, Vol.II, F.5.</ref> Quapropter ipse princeps Venetianus cognomen ''Millio'' agnoscebat, sumptum nempe cum significatione ''millionarii'', id est, divitias habens millionum [[Ducatus (nummus)|ducatorum]] perficientes. Marci Pauli itinerum memoria ab ipse dictata, et perapposite vocata ''Millio'', translata est in Latinum sermonem anno [[1320]], tuncque aliter inscriptum ''De Condicionibus et consuetudinibus orientalium regionum''.
|-
| valign="top"|[[saeculum 14|Mediante saeculo XIV]]
|Verbum ''million'' adhiberi incipit in [[litterae|litteratura]] [[lingua Anglica|Anglica]]. Una de primis huius verbi mentionibus legi potest in [[poësis|poemate]] ''Piers Plowman'' (Petrus Arator) ab auctore Gulielmo Langland (c.1334-c.1400) [[lingua Anglica media]] conscripto.<ref>In opere hoc poëtico tractatur de progredienda vita christiana, quae per seriem visionum allegorice describitur.</ref>
|-
| valign="top"|[[saeculum 15|Saeculo XV]]
|[[Jehan Adam]], [[mathematicus]] [[Francia|Francogallicus]], in manuscripto suo ''Traicté en arismétique'', anno [[1475]] edito, descripsit verba ''bymillion'' atque ''trimillion'', quae 10<sup>12</sup> et 10<sup>18</sup> significarent. Praefixa eorundem verborum plane significabant potentias millionis.<ref>I.e. secundam, et tertiam potentia millionis.</ref>

Mathematicus Francogallicus [[Nicolaus Chuquet]] (c.1445-c.1488) in manuscripto suo ''Le Triparty en la science des nombres'', anno [[1484]] lingua Francogallica conscripto, verbis utebatur ''byllion'', ''tryllion'', ''quadrillion'', ''quyllion'', ''sixlion'', ''septyllion'', ''ottyllion'', atque ''nonyllion'', quae eodem ordine significabant 10<sup>12</sup>, 10<sup>18</sup>, usque ad 10<sup>54</sup>. Opus Nicolai Chuquet non prius quam decennio VII saeculi XIX edendum foret, quanquam magna operis pars transcripta fuisset a [[Stephanus de la Roche|Stephano de la Roche]], quoius stilo certa auctoritas Nicholai Chuquet celata est. His circumstantiis alterum opus, Francogallice inscriptum ''[[La'Arismethique novellement composee]]'', Lugduni editum est anno [[1520]], maximam partem ex opere Nicolai Chuquet compositum.
|-
| valign="top"|[[saeculum 16|Saeculo XVI]]
|[[Gulielmus Budé]] (1467-1540), litterarum perito Francogallicus, in opere suo ''De Asse et partibus eius libri quinque'' [[Lutetia|Parisiis]] anno [[1514]] edito, verbum ''[[milliardum|milliarti]]'' adscripsit, hocque modo id definierat: ''decies millies centena millia'' vel ''decem myriadum myriadas'' (10<sup>9</sup>), numerus compendiarius, quod adhibebatur ad millionem millionum (10<sup>12</sup>) signandum.<ref>Milliartum igitur a Gulielmo Budé definitur tanquam millio millionum (billio) compendiarius. Hoc modo billionis abbreviatio, etsi notis Arabicis assimilis esset mille millionibus (vel 10<sup>9</sup>), magnitudine tamen unus millio millionum (vel 10<sup>12</sup>) intellegendus. Nomen ''milliartum'' exeunte saeculo XVII in milliardum mutatum est, denuo Latine redditum ex [[lingua Francogallica]], neque amplius, abbreviationis causa, adhibebatur, cum modo mille millionibus usitate aequavisset.</ref>

[[Gemma Frisius]](1508-1555), mathematicus [[Nederlandia|Nederlandicus]], in libro suo ''Arithmeticae practicae methodus facilis'', [[Wittenberga|Witebergae]] anno [[1540]] edito, praxim numeratoriam nullo negotio intellegendam proposuit. Methodus autem facilis ab auctore nominata, quae tamen taediosam repetitionem numeralis multiplicativi ''millies'' more antiquo pronuntiare cogebat, nihil novi atttulit. E.g. usque ex quito puncto numerus est ''millies millies millies millena millia'' (10<sup>15</sup>). Huiusmodi numerandi ratio in seipsa nihil aliud erat quam via scalae brevis antiquo more trita, quam per totum saeculum XVI approbatam fuisse videtur apud plerosque mathematicos.

[[Iacobus Peletarius]] (1517-1582) in suo libro ''L'Arithmétique'', [[Pictavium|Pictavii]] anno [[1549]] edito, usus est verbo [[milliardum|milliarti]], quod ''millionem millionum'' significabat.<ref>I.e. 10<sup>12</sup></ref> Apud Peletarium ''Milliartum'' aequabat ''[[billio|billioni]]'', neque adhibebatur ut abbreviatio.

[[Petrus Ramus]] (1515-1572), humanista Fracogallicus, opus ''Arithmeticae libri tres'' scripsit, Lutetiae Parisiorum anno [[1555]] editum. Notatio numerica ''millium repetitorum'' prosequitur: quae sine dubio scala brevis planissima atque intellectu perfacilis erat.
|-
| valign="top"| [[saeculum 17|Saeculo XVII]]
|Mathematicus [[Scotia|Scotus]] Iohannes Neperus (1550-1617) in libro suo ''Logarithmorum canonis descriptio, seu Arithmetica supputationum mirabilis abbreviatio'' Edimburgi anno [[1614]] edito, logarithmi ut opes ad calculationes simplificandas proponit. Logarithmi, secundum Iohannem Neperum, plurima problemata arithmetica, geometrica, et astronomica, minimo negotio expediuntur, quae alias vel impossibilia censenda sunt, vel admodum difficilia, nec sine magno taedio et multi temporis iactura resolvenda. Logarithmi ergo perutiles sunt, maxime in permagnos numeros tractandos. Illo tempore logarithmi in calculatione similem vim habebant, atque illa, quam tunc futurae machinae vaporiferae saeculo XVIII habiturae forent in plurimis processibus fabricationis, aut simili potentia erant praediti, atque illa, quam tunc futura computatra saeculo XX patefactura forent in magnis datorum quantitatibus operandis. Logarithmis utendo, calculator unamquamque difficultatum solvit, et nullo molimento facilem reddere potest quamlibet complexionem numericam. Logarithmorum beneficium in eo est, quod eorum usus compendiarias reddit prope omnes operationes arithmeticas. In alterum libro, inscripto ''Rabdologiae, sive Numerationis per virgulas libri duo'', Edimburgi anno [[1617]] edito, Iohannes Neperus technicam separationis periodicae in permagnis numeris legendis creavit, ut faciles fierent operationes arithmeticae. In methodo eius rabdologico periodos decem chiliadum (10<sup>4</sup>) commatis separabantur. Multiplicatio et divisio perficiebantur per parvas hastas intra capsam dispositas, quae postea cognitae forent nomine ''Naperi ossa''.

Jean L'Hoste (c.1586-1631) in suo libro ''Epipolimetrie ou art de mesurer toutes superficies'' Nanceii anno [[1619]] edito, definivit ''milliartum'' tanquam ''mille milliones''.
Adhuc in uso erat, ad definiendos numeros permagnos, separatio sex notarum digitalium per puncta, ac per commata aliquotiens. Augescente tamen ingentium numerorum usu, punctuatio trium notarum digitalium introduci incepit. Opportunitas tum contingebat, ut quidam parum idonei scriptores, novitatis cupientes, alias numerationis tabulas confingissent. In Francia novae scalae cum fundamento in basi mille constitutae sunt, et verbum ''billionis'', quasi mille milliones (10<sup>9</sup>) innacurate adhibere inceperunt. E corruptione systematis traditionalis, novum systema instituendum proposuerunt, quod facile, et admodum practicum censebant. Pleraeque autem nationes scalas longas servaverunt. Plurimi tunc prosequebantur dicentes ''mille milliones'', aut dicebant ''milliartum'', eidem verbo aliam tribuentes vim, atque illa, quam Jacobus Peletier proposuit. Idem verbum paulo post longe lateque diffundebatur in Angliam, Germaniam, Italia, aliasque Europae partes, ubi quidam scriptores verbo billionis traditionaliter utebantur, id est, apud eos verbum ''milliartum'' idem sibi volebat atque apud Iacobum Pelletier. In tractatibus de novo systemate nihil redditur de modulo potentiali mille eiusque potentiis ad periodos ternarias applicatis. Novum systema nihil prodest, quin erratice nominet omnes numeros in serie exstantes inde a periodo mille millionum.

Franciscus Le Gendre (?-1675), mathematicus Francogallicus, in suo opere ''L'Aritimétique en sa perfection'', Lutetiae Parisiorum anno [[1648]] edito, fortasse primus qui ''scalam brevis'' constituit. ''Milliare'' tanquam 10<sup>9</sup>, ''bimilliare'' tanquam 10<sup>12</sup> definivit.

Secundum [[Iohannes Lockius|Iohannem Lockium]] (1632-1704), [[Philosophia|philosophum]] Anglicum, numerus simplicissima est et maxime universalis idea. Numerus enim tribuitur hominibus, actionibus, cogitationibus, et rebus omnibus, quae vel existunt, vel concipi possunt. In libro eius inscripto ''An Essay Concerning Human Understanding'', edito Londinii anno [[1690]], declaratur nominorum necessitas ad numeros efferendos, quae consurgit ex ipsa perspicuitate et distinctione uniuscuiusque numerorum ab omnibus aliis seriei numericae constituentibus, cum omnes in singularissima unitate disponantur, unitatisque ideam repetant. Cum et nihil aliud sint in mentibus nostris, praeter unitatum complexiones, nomina aut signa unicuique distinctae complexioni magis necessaria videntur, quam in alio genere idearum. Sine nominibus aut notis idoneis, numeri fiunt computandu perdifficiles, neque iis uti possumus, praesertim in operandis complexionibus e magna unitatum collectione conflatis. Quae si coniungantur sine nomine aut signis distinctoriis, vix fieri potest, quin tanquam in congerie cum elementis confusis perturbarae sint Iohannes Lochius ostendit, per numerum quemdam ordinis nonillionum, quantum nomina distincta, et etiam idonea, ad bene numerandum conducant, aut mentem nostram nutriant ad utiles numerorum ideas adipiscendas. Enimvero, si periodi millionum, pro repetendo nomine millionis, nominibus propriis efferantur, facile fit totum numero enuntiare, atque utilem eiusdem notionem constituere.<ref>Iohannes Lockius, ''An Essay Concerning Human Understanding''. Londinii: s.e., 1775, pp. 163-167.</ref>

Mediante saeculo XVII Francogallici nomen ''milliartum'' in ''milliardum'' mutant: denuo Latine redditum ex [[lingua Francogallica]], neque amplius, abbreviationis causa, adhibiturum foret, cum modo mille milliones usualiter definiri coepisset.

Mathematicus et ratiocinator publicus Francogallicus Franciscus Bertrandus Barrême (1638-1703), in suo opere ''L'Arithmétique'' [[Lutetia|Lutetiae Parisiorum]] anno [[1736]] postume edito, nomen ''milliacea'' adhibet ad designandum numerum ordinis ''millionis millionum''. Secundum notationem numerandi ibi propositam, ''milliardum'' tanquam ''mille milliones'' definitur.
|-
| valign="top"|[[saeculum 18|Mediante saeculo XVIII]]
|Billio novi systematis<ref>Id est, billio scalarum brevium. Illo tempore systema numerandi Francico nondum appellatum erat ''scala brevis''.</ref> in colonias Britannicas Americanas transferebatur. In dictionario Academiae Francogallicae anno [[1762]] edito, ''billio'' definitur verbum esse arithmeticum ''mille milliones'' significans. Milliardum synonymus erat billionis inde a medio saeculo XVII.<ref>Tum temporis ''milliardum'' abbreviatio billionis non erat, tantummodo ''mille milliones'' significabat.</ref> Milliartum particulariter erat usitatum in Francia aliisque Europae terris, in sermone de re oeconomica et nummaria, etiamque in colloquiis vulgaribus. Nunquam ad linguam Anglicam Americanam pertinuit.

Gulielmus Le Blond (1704-1781), mathematicus Francogallicus, in libro suo ''Abregé d'Arithmétique, Lutetiae Parisiorum anno [[1758]] edito, verbum ''milliardum'' adhibet ad designandum numerum 10<sup>9</sup>. Inconcinnam autem magnitudinem potentiis superioribus basis mille tribuit: ''billiardum'', 10<sup>12</sup>; trilliardum, 10<sup>15</sup>; quatrilliardum, 10<sup>18</sup>; et ita ad infinitum. Notandum quod in hac serie numerica, qua scala brevis constituitur, potentiae milliariae perperam signantur per praefixa nominalia.
|-
| valign="top"|[[saeculum 19|Ineunte saeculo XIX]]
|Francogalli plurimi scalas breves adhibuerunt et cives [[Americani]] eos secuti sunt. Scalae breves ad plurima mensurabilium genera adaptaverunt, ut ex lege adhiberentur in omnibus oficiis commercialiis, nummariis et scientificis. Pauco post tempore solae scalae breves in scholis docebantur. Etiam in encyclopediis Francogallicis scalae non explanabantur, nisi breves, nec mentio de longis fiebat, tanquam si obsoletae essent. 
|-
| valign="top"|[[saeculum 20|Saeculo XX]]
|Eduardus Kasner (1878-1955), mathematicus [[Civitates Foederatae Americae|Americanus]], in libro suo ''Mathematics and the Imagination'', una cum Iacobo Newman (1907-1966) scripto, [[Novum Eboracum (urbs)|Novi Eboraci]] anno [[1940]] edito, mentionem fecit de [[nota numeri|nota illius numeri]] nominati ''[[Googol]]'', qui 10<sup>100</sup> significat. Nomen ''[[Googol]]'' inventum est a Milton Sirotta, Eduardi filius sororio, qui etiam auctor fuit permagni numeri nominati ''[[Googolplex]]'', qui definiri potest tanquam 10<sup>googol</sup>. Huiusmodi numeri sua ipsorum natura inconceptibiliter inconceptibiles sunt, suaque scriptura extensiva fit impossibilis, nec tota vita entis humani satis longa esset ad eos perscribendos.

In IX Consultatione Generali de Ponderibus Mensurisque, anno [[1948]] peracta, usus scalarum longarum in omni terrarum orbe propositus est. Populi scalis brevibus utentes invitati sunt ad revertendum ad scalas longas.<ref>Principes omnium terrarum, tempore quo conscii fiant quanti momenti, atque utilitatis esse scalas longas, haud mora leges de iis utendis sancire poterunt.</ref> Ad efficiendam numerationem scriptam lectu facilem, commendatus est usus commatum et punctorum, qui partem fractam a parte integra separent; pars integra scripta dividenda est in greges ternarias, non senarias, ut eius lectio expediatur; nec puncta nec commata in spatiis vacuis inter greges poni debent.

In [[Francia]] anno [[1961]] lectum est in Diurnario Officiali (''Journal Officiel'') usum longarum scalarum confirmatum fuisse.<ref>http://www.ensmp.net/pdf/1961/decr-61-0501.pdf (Décret 61-501, pagina 4587, nota 3 atque erratum in pagina 7572).</ref> Francogalli demum ad scalas longas reversi sunt.
[[Inglaterra|Anglicus]] administer princeps [[Haroldus Wilson]] senatus legatis confirmabat magistratus [[Regnum Unitum|Regni Uniti]] in rebus statisticis ex usque anno [[1974]] brevibus scalis usuros esse.<ref>Tum sublata est scala anglica traditionalis. https://www.bbc.com/news/magazine-15478580;  http://news.scotsman.com/uk.cfm?id=871392004.</ref><!-- Note this is a secondary source only and still needs confirmation of its validity. We ideally need to get the original speech, as this could be a misinterpretation. --><!--"Secondary?" This is Wikipedia, not a thesis. I'd say the Scotsman is good enough--> Exeunte saeculo XX plurimi populi linguae Anglicae scalis brevibus utebantur. In omnibus autem eius generis civitatibus etiam longae scalae in quodam usu sunt, et status publicus scalarum brevium adhuc in dubio est.

Mathematica Francogallica Genovefa Guitel (1895-1982), in opere suo ''Histoire comparée des numérations écrites'', [[Lutetia|Lutetiae Parisiorum]] anno [[1975]] edito, adhibere incipit verba ''scala longa'' et ''scala brevis'' in tractatione de diversis systematibus numerationis.<ref>Gueneviève Guitel, ''Histoire comparée des numérations écrites''. [[Lutetia|Lutetiae Parisiorum]]: Frammarion, 1975, pp.51-51; pp.566-574.</ref> Systemata numerationum scriptarum, secundum Genovefam Guitel, magni ponderis sunt in congerie intellectu humano constructa, et potissime utiles in scientiam progrediendam.

Magistratus [[Italia|Italicus]] Anno [[1994]] ex officio usum scalarum longarum confirmavit.<ref>http://www.frareg.com/news/legislazione/ambiente/direttiva_1994_55_CE.pdf (Direttiva CE 1994 n. 55, pagina 12).</ref>
|-
| valign="top"|[[saeculum 21|Ineunte saeculo XXI]]
|Mathematicus Americanus Sbiis Saibian (1983-) notiones illimitatae denominationis proposuit ad perficienda systemata numerica. Complurima membra familiae Gugolanae invenit, ac luculentissimam nomenclaturam creavit, qua prope omnes permagnos numeros nominari possunt.
|-
|}

== Numeri permagni in utrisque scalis ==

* 10<sup>9</sup>: notatio qua numerus Arabicus 1 000 000 000 designatur.
* 10<sup>12</sup>: notatio qua nummerus Arabicus 1 000 000 000 000 designatur.
* etc.

{| class="wikitable"
!Numerus
! [[Civitates Foederatae Americae|CFA]] et [[Britannia]]<br />usque ab [[1974]]<br />(''[[scalae longae et breves|scalae breves]]'') <ref>Scalae in systemate numeratorio reformato fundatae.</ref>
!Britannia<br />ante annum 1974<br />(''[[scalae longae et breves|scalae longae]]'') <ref>Scalae longae traditionales.</ref>
!Sollemne systema Europaeum<br />(''[[scalae longae et breves|scalae longae]]'') <ref>Scalae longae in systemate Nicolai Chuquet fundatae.</ref>
|-
|10<sup>9</sup> || [[Billio]] <ref>In scalis brevibus nomen ''billio'' nihil denotat de tertia potentia basis mille; praefixum ''bi-'' improprie adhibitum est ad eamdem potentiam significandam; sic porro in infinitum omnes numeri nulla vi denotantur in serie numerica scalarum brevium.</ref> || Mille milliones || [[Milliardum]] <ref>Verbum hodiernum, cuius significatio est ''mille milliones'' (10<sup>9</sup>). Latine redditum ex lingua Francogallica hodierna.</ref>
|-
|10<sup>12</sup> || Trillio || [[Billio]] || [[Billio]] <ref>Verbum in saeculo XV creatum, ex contractione verbi ''bimillio'', cuius significatio est ''millio millionum''(10<sup>12</sup> vel (10<sup>6</sup>)<sup>2</sup>); antea ''[[milliartum]]'' a Iacobo Pelletier vocabatur.</ref>
|-
|10<sup>15</sup> || Quadrillio || Mille billiones || Billiardum
|-
|10<sup>18</sup> || Quintillio|| Trillio || Trillio
|-
|10<sup>21</sup> || Sextillio || Mille trilliones || Trilliardum
|-
|10<sup>24</sup> || Septillio || Quadrillio || Quadrillio
|-
|10<sup>27</sup> || Octillio || Mille quadrilliones || Quadrilliardum
|-
|10<sup>30</sup> || Nonillio || Quintillio || Quintillio
|-
|10<sup>33</sup> || Decillio || Mille quintilliones || Quintilliardum
|-
|10<sup>36</sup> || Undecillio || Sextillio || Sextillio
|-
|10<sup>39</sup> || Duodecillio || Mille sextilliones || Sextilliardum
|-
|10<sup>42</sup> || Tredecillio || Septillio || Septillio
|-
|10<sup>45</sup> || Quattuordecillio || Mille septilliones || Septilliardum
|-
|10<sup>48</sup> || Quindecillio || Octillio || Octillio
|-
|10<sup>50</sup> || Centum quindecilliones || Octillio || Octillio
|-
|10<sup>51</sup> || Sexdecillio || Mille octilliones || Octilliardum
|-
|10<sup>54</sup> || Septendecillio || Nonillio || Nonillio
|-
|10<sup>57</sup> || Octodecillio || Mille nonilliones || Nonilliardum
|-
|10<sup>60</sup> || Novendecillio || Decillio || Decillio
|-
|10<sup>63</sup> || Vigintillio || Mille decilliones || Decilliardum
|-
|10<sup>66</sup> || Unvigintillio || Undecillio || Undecillio
|-
|10<sup>69</sup> || Duovigintillio || Mille undecilliones || Undecilliardum
|-
|10<sup>72</sup> || Trevigintillio || Duodecillio || Duodecillio
|-
|10<sup>75</sup> || Quattuorvigintillio || Mille duodecilliones || Duodecilliardum
|-
|10<sup>78</sup> || Quinvigintillio || Tredecillio || Tredecillio
|-
|10<sup>80</sup> || Centum quinvigintilliones || Centum tredecilliones || Centum tredecilliones
|-
|10<sup>81</sup> || Sexvigintillio || Mille tredecilliones || Tredecilliardum
|-
|10<sup>84</sup> || Septenvigintillio || Quattuordecillio || Quattuordecillio
|-
|10<sup>87</sup> || Octovigintillio || Mille quattuordecilliones || Quattuordecilliardum
|-
|10<sup>90</sup> || Novemvigintillio || Quindecillio || Quindecillio
|-
|10<sup>93</sup> || Trigintillio || Mille quindecilliones || Quindecilliardum
|-
|10<sup>95</sup> || Centum trigintilliones || Centum millia quindecillionum || Centum quindecilliarda
|-
|10<sup>96</sup> || Untrigintillio || Sedecillio || Sedecillio
|-
|10<sup>99</sup> || Duotrigintillio || Mille sedecilliones || Sedecilliardum
|-
|10<sup>100</sup> || Decem duotrigintilliones || Decem milia sedecillionum || Decem sedecilliarda
|-
|10<sup>102</sup> || Tretrigintillio || Septendecillio || Septendecillio
|-
|10<sup>105</sup> || Quattuortrigintillio || Mille septendecilliones || Septendecilliardum
|-
|10<sup>108</sup> || Quintrigintillio || Octodecillio || Octodecillio
|-
|10<sup>111</sup> || Sextrigintillio || Mille octodecilliones || Octodecilliardum
|-
|10<sup>114</sup> || Septentrigintillio || Novemdecillio || Novemdecillio
|-
|10<sup>117</sup> || Octotrigintillio || Mille novemdecilliones || Novemdecilliardum
|-
|10<sup>120</sup> || Novemtrigintillio || Vigintillio || Vigintillio
|-
|10<sup>123</sup> || Quadragintillio || Mille vigintilliones || Vigintilliardum
|-
|10<sup>126</sup> || Unquadragintillio || Unvigintillio || Unvigintillio
|-
|10<sup>129</sup> || Duoquadragintillio || Mille unvigintilliones || Unvigintilliardum
|-
|10<sup>132</sup> || Trequadragintillio || Duovigintillio || Duovigintillio
|-
|10<sup>135</sup> || Quattuorquadragintillio || Mille duovigintilliones || Duovigintilliardum
|-
|10<sup>138</sup> || Quinquequadragintillio || Trevigintillio || Trevigintillio
|-
|10<sup>141</sup> || Sexquadragintillio || Mille trevigintilliones || Trevigintilliardum
|-
|10<sup>144</sup> || Septenquadragintillio || Quattuorvigintillio || Quattuorvigintillio
|-
|10<sup>147</sup> || Octoquadragintillio || Mille quattuorvigintilliones || Quattuorvigintilliardum
|-
|10<sup>150</sup> || Novemquadragintillio || Quinvigintillio || Quinvigintillio
|-
|10<sup>153</sup> || Quinquagintillio || Mille quinvigintilliones || Quinvigintilliardum
|-
|10<sup>156</sup> || Unquinquagintillio || Sexvigintillio || Sexvigintillio
|-
|10<sup>159</sup> || Duoquinquagintillio || Mille sexvigintilliones || Sexvigintilliardum
|-
|10<sup>162</sup> || Trequinquagintillio || Septenvigintillio || Septenvigintillio
|-
|10<sup>165</sup> || Quattuorquinquagintillio || Mille septenvigintilliones || Septenvigintilliardum
|-
|10<sup>168</sup> || Quinquinquagintillio || Octovigintillio || Octovigintillio
|-
|10<sup>171</sup> || Sexquinquagintillio || Mille octovigintilliones || Octovigintilliardum
|-
|10<sup>174</sup> || Septenquinquagintillio || Novemvigintillio || Novemvigintillio
|-
|10<sup>177</sup> || Octoquinquagintillio || Mille novemvigintilliones || Novemvigintilliardum
|-
|10<sup>180</sup> || Novemquinquagintillio || Trigintillio || Trigintillio
|-
|10<sup>183</sup> || Sexagintillio || Mille trigintilliones || Trigintilliardum
|-
|10<sup>186</sup> || Unsexagintillio || Untrigintillio || Untrigintillio
|-
|10<sup>189</sup> || Duosexagintillio || Mille untrigintilliones || Untrigintilliardum
|-
|10<sup>192</sup> || Tresexagintillio || Duotrigintilliones || Duotrigintilliones
|-
|10<sup>195</sup> || Quattuorsexagintillio || Mille duotrigintilliones || Duotrigintilliardum
|-
|10<sup>198</sup> || Quinquesexagintillio || Tertrigintillio || Tertrigintillio
|-
|10<sup>200</sup> || Centum quinquesexagintilliones || Centum tertrigintilliones || Centum tertrigintilliones
|-
|10<sup>201</sup> || Sexsexagintillio|| Mille tertrigintilliones || Tertrigintilliardum
|-
|10<sup>204</sup> || Septensexagintillio || Quattuortrigintillio || Quattuortrigintillio
|-
|10<sup>207</sup> || Octosexagintillio || Mille quattuortrigintilliones || Quattuortrigintilliardum
|-
|10<sup>210</sup> || Novemsexagintillio || Quintrigintillio || Quintrigintillio
|-    
|10<sup>213</sup> || Septuagintillio || Mille quintrigintilliones || Quintrigintilliardum
|-
|10<sup>216</sup> || Unseptuagintillio || Sextrigintillio || Sextrigintillio
|-
|10<sup>219</sup> || Duoseptuagintillio || Mille sextrigintilliones || Sextrigintilliardum
|-
|10<sup>222</sup> || Treseptuagintillio || Septentrigintillio || Septentrigintillio
|-
|10<sup>225</sup> || Quattuorseptuagintillio || Mille septentrigintilliones || Septentrigintilliardum
|-
|10<sup>228</sup> || Quinseptuagintillio || Octotrigintillio || Octotrigintillio
|-
|10<sup>231</sup> || Sexseptuagintillio || Mille octotrigintilliones || Octotrigintilliardum
|-
|10<sup>234</sup> || Septenseptuagintillio || Noventrigintillio || Noventrigintillio
|-
|10<sup>237</sup> || Octoseptuagintillio || Mille noventrigintilliones || Noventrigintilliardum
|-
|10<sup>240</sup> || Novemseptuagintillio || Quadragintillio || Quadragintillio
|-
|10<sup>243</sup> || Octogintillio || Mille quadragintilliones || Quadragintilliardum
|-
|10<sup>246</sup> || Unoctogintillio || Unquadragintillio || Unquadragintillio
|-
|10<sup>249</sup> || Duooctogintillio || Mille unquadragintilliones || Unquadragintilliardum
|-
|10<sup>252</sup> || Tresoctogintilliones || Duoquadragintillio || Duoquadragintillio
|-
|10<sup>255</sup> || Quattuoroctogintillio || Mille duoquadragintilliones || Duoquadragintilliardum
|-
|10<sup>258</sup> || Quinoctogintillio || Terquadragintillio || Terquadragintillio
|-
|10<sup>261</sup> || Sexoctogintillio || Mille terquadragintilliones || Terquadragintilliardum
|-
|10<sup>264</sup> || Septoctogintillio || Quattuorquadragintillio || Quattuorquadragintillio
|-
|10<sup>267</sup> || Octoctogintillio || Mille quattuorquadragintilliones || Quattuorquadragintilliardum
|-
|10<sup>270</sup> || Novoctogintillio || Quinquadragintillio || Quinquadragintillio
|-
|10<sup>273</sup> || Nonagintillio || Mille Quinquadragintilliones || Quinquadragintilliardum
|-
|10<sup>276</sup> || Unnonagintillio || Sexquadragintillio || Sexquadragintillio
|-
|10<sup>279</sup> || Duononagintillio || Mille sexquadragintilliones || Sexquadragintilliardum
|-
|10<sup>282</sup> || Tresnonagintillio || Septenquadragintillio || Septenquadragintillio
|-
|10<sup>285</sup> || Quattuornonagintillio || Mille septenquadragintilliones || Septenquadragintilliadum
|-
|10<sup>288</sup> || Quinquenonagintillio || Octoquadragintillio || Octoquadragintillio
|-
|10<sup>291</sup> || Sexnonagintillio || Mille octoquadragintilliones || octoquadragintilliardum
|-
|10<sup>294</sup> || Septennonagintillio || Novenquadragintillio || Novenquadragintillio
|-
|10<sup>297</sup> || Octononagintillio || Mille novenquadragintilliones || Novenquadragintilliardum
|-
|10<sup>300</sup> || Novemnonagintillio || Quinquagintillio || Quinquagintillio
|-
|10<sup>303</sup> || Centillio || Mille quinquagintilliones || Quinquagintilliardum
|-
|10<sup>306</sup> || Uncentillio || Unquinquagintillio || Unquinquagintillio
|-
|10<sup>309</sup> || Duocentillio || Mille unquinquagintilliones || unquinquagintilliardum
|-
|10<sup>312</sup> || Trescentillio || Duoquinquagintillio || Duoquinquagintillio
|-
|10<sup>351</sup> || Sedecicentillio || Mille octoquinquagintillio || Octoquinquagintilliardum
|-
|10<sup>360</sup> || Novendecicentillio || Sexagintillio || Sexagintillio
|-
|10<sup>363</sup> || Viginticentillio || Mille sexagintilliones || Sexagintilliardum
|-
|10<sup>364</sup> || Decem viginticentilliones || Decem Millia sexagintillionum || Decem sexagintilliardum
|-
|10<sup>365</sup> || Centum viginticentilliones || Centum millia sexagintillionum || Centum sexagintilliardum
|-
|10<sup>366</sup> || Unviginticentillio || Unsexagintillio || Unsexagintillio
|-
|10<sup>402</sup> || Trestriginticentillio || Septensexagintillio || Septensexagintillio
|-
|10<sup>420</sup> || Noventrigincentillio || Septuagintillio || Septuagintillio
|-
|10<sup>423</sup> || Quadraginticentillio || Mille septuagintilliones || Septuagintilliardum
|-
|10<sup>480</sup> || Novenquinquaginticentillio || Octogintillio || Octogintillio
|-
|10<sup>483</sup> || Sexaginticentillio || Mille octogintilliones || Octogintilliardum
|-
|10<sup>500</sup> || Centum quinsexaginticentilliones || Centum treoctogintilliones || Centum treoctogintilliones
|-
|10<sup>540</sup> || Novenseptuaginticentillio || Nonagintillio || Nonagintillio
|-
|10<sup>543</sup> || Octoginticentillio || Mille nonagintilliones || Nonagintilliardum
|-
|10<sup>600</sup> || Novemnonaginticentillio || Centillio || Centillio
|-
|10<sup>603</sup> || Ducentillio || Mille centilliones || Centilliardum
|-
|10<sup>903</sup> || Trecentillio || Mille quinquaginticentilliones || Quinquaginticentilliardum
|-
|10<sup>999</sup> || Duotrigintitrecentillio || Mille sexsexaginticentilliones || Sexsexaginticentilliardum
|-
|10<sup>1000</sup> || Decem duotrigintitrecentilliones || Decem mille sexsexaginticentilliones || Decem sexsexaginticentilliardum
|-
|10<sup>1002</sup> || Tretrigintitrecentillio || Septensexaginticentillio || Septensexaginticentillio
|-
|10<sup>1023</sup> || Quadragintitrecentillio || Mille septuaginticentilliones || Septuaginticentilliardum
|-
|10<sup>1203</sup> || Quadringentillio || Mille ducentilliones || Ducentilliardum
|-
|10<sup>1500</sup> || Novemnonagintiquadringentillio || Quinquagintiducentillio || Quinquagintiducentillio
|-
|10<sup>1503</sup> || Quingentillio || Mille quinquagintiducentilliones || Quinquagintiducentilliardum
|-
|10<sup>1803</sup> || Sexcentillio || Mille trecentilliones || Trecentilliardum
|-
|10<sup>2103</sup> || Septingentillio || Mille quinquagintitrecentilliones || Quinquagintitrecentilliardum
|-
|10<sup>2403</sup> || Octingentillio || Mille quadringentilliones || Quadringentilliardum
|-
|10<sup>2703</sup> || Nongentillio || Mille quinquaginti- quadringentillio || Quinquaginti- quadringentilliardum
|-
|10<sup>3000</sup> || Novemnonagintanongentillio || Quingentillio || Quingentillio
|-
|10<sup>3003</sup> || Millillio || Mille quingentilliones || Quingentilliardum
|-
|10<sup>3006</sup> || Milliunillio || Unquingentillio || Unquingentillio
|-
|10<sup>3012</sup> || Millitresillio || Duoquingentillio || Duoquingentillio
|-
|10<sup>3042</sup> || Millitredecillio || Septenquingentillio || Septenquingentillio
|-
|10<sup>4096</sup> || Decem milli- quattuorsexagintitrecentillio || Decem millia duooctogintisexcentillionum || Duooctogintisexcentilliardum
|-
|10<sup>4998</sup> || Milliquinsexagintisexcentillio || Tertrigintoctingentillio || Tertrigintoctingentillio
|-
|10<sup>5000</sup> || Centum milliquinsexagintisexcentillio || Centum tertrigintoctingentilliones || Centum tertrigintoctingentilliones
|-
|10<sup>6000</sup> || Millinovemnonagintinongentilio || Millillio || Millillio
|-
|10<sup>6003</sup> || Dumillillio || Mille millilliones || Millilliardum
|-
|10<sup>9003</sup> || Tremillillio || Mille milliquingentilliones || Milliquingentilliardum
|-
|10<sup>9999</sup> || Tremilliduotrigintitrecentillio || Mille milli- sexsexagintisexcentilliones || Milli- sexsexagintisexcentilliardum
|-
|10<sup>10000</sup> || Decem tremilli- duotrigintitrecentillio || Decem mille milli- sexsexagintisexcentilliones || Decem milli- sexsexagintisexcentilliardum
|-
|10<sup>19683</sup> || Sexmillisexagintiquingentillio || Mille tremilli- octogintiducentilliones || Tremilli- octogintiducentilliardum
|-
|10<sup>100000</sup> || Decem tretrigintimilli- duotrigintitrecentilliones || Decem mille sedecimilli- sexsexagintisexcentilliones || Decem sedecimilli- sexsexagintisexcentilliardum
|-
|10<sup>300003</sup> || Centimillillio || Mille quinquagintimillillio || Quinquagintimillilliardum
|-
|10<sup>900003</sup> || Trecentimillillio || Mille quinquaginticenti- millilliones || Quinquaginticentimillilliardum
|-
|10<sup>1000000</sup> || Trecentitretrigintimilli- duotrigintitrecentillio || Mille centisexagintisexmillilli- sexsexagintasexcentilliones || Centisexagintisexmillilli- sexsexagintasexcentilliardum
|-
|10<sup>3000003</sup> || Millimillillio || Mille quingentimillilliones || Quingentimilliiardum
|-
|10<sup>1000000000</sup> || Decem trecentitretrigintimilli- millitrecentitretrigintimilli- duotrigintitrecentilliones || Decem mille centisexsexagintimillimilli- sexcentisexsexagintimilli- sexsexagintisexcentilliones || Decem centisexsexagintimillimilli- sexcentisexsexagintimilli- sexsexagintisexcentilliardum
|-
|10<sup>3000000003</sup> || Millimillimillillio || Mille quingentimillimillilliones || Quingentimillimillilliardum
|-
|}

== Numeri permagni, et plusquampermagni notabiles ==
Mathematici mentionem faciunt de illis numeris permagnis suo ipsorum ingenio creatis. Huiusmodi numeri nominibus notabilibus appellantur, sive exercitio ludico, sive tractatione seria. Nonnulli ex numeris permagnis sunt vero plusquampermagni, et conceptu difficiles, neque animo fingere possumus, eos in partem vitae nostra quotidiana venire.

Quamvis potissime sit ut proprietates numericae aptis verbis ac nominibus plane significantibus pateant, licet tamen mathematicis quosdam permagnos numeros nominibus singularissimis exprimere. Cum autem eadem nomina nihil de iis significent, eos intellegere non possimus, nisi ex elementis quibus originaliter definiuntur. Si tantum subtilitatis praeferimus, scalis longis uti debemus, ut adaequatam de unoquoque eorum notionem habeamus.

{| class="wikitable"
!Numeri
!Nomina<br />a mathematicis inventa
!Definitiones numerorum
|-
|10<sup>50</sup> || '''Gogolum''' || Centum octilliones vel radix quadrata Gugoli.<ref>'''Gogolum''' etiam nominatur ''Lcillio'', ita ut per litteram L, ex numeratione Romana sumptam, recordari possimus de potentia quinquagesima basis 10. ☞ Nomen autem ''Lcillio'' perperam formatum esse videtur: nescitur unde veniat littera c; si haece littera sumitur ex nomine numeri secundum scalas breves, nempe supervacua fit.</ref> Gogolum aequale est (10<sup>6</sup>)<sup>8</sup> (centies quadragesimae octavae potentiae numeri decem ad sextam potentiam evecti).
|-
|10<sup>80</sup> || '''Ugolum''' || Centum tredecilliones.<ref>Etiam appellatum ''Gugolum adstrictum'' vel ''Gugolum contractum''.</ref> Hic numerus aequalis est (10<sup>6</sup>)<sup>13</sup><br />(potentiae decimae tertiae basis decem ad sextam potentiam dignatae).
|-
|10<sup>90</sup> || '''Gugolpunctulum''' || Unus quindecillio.<ref>Id est, nihil aliud quam decies millies millionesima ''Gugoli'' pars.</ref> Numerus aequalis (10<sup>6</sup>)<sup>15</sup><br />(quinta decimae potentiae decem unitatum ad sextam potentiae evectarum).
|-
|10<sup>95</sup> || '''Gugolmica''' || Centum millia quindecillionum vel centum quindecilliarda significat.<ref>Centies millies minus est quam ''Gugolum''.</ref> Numerus aequalis 10<sup>2</sup>.(10<sup>6</sup>)<sup>15.5</sup><br />(potentiae quintae decimae semiprimae basis decem ad sextam potentiam evectae).
|-
|10<sup>99</sup> || '''Gugolfrustum''' || Mille sedecilliones vel unum sedecilliardum.<ref>Vel decima ''Gugoli'' pars.</ref> Aequalis est 10<sup>3</sup>.(10<sup>6</sup>)<sup>16</sup><br />(millies sextae decimae potentiae basis decem ad sextam potentiam dignatae).
|-
|10<sup>100</sup> || '''[[Googol|Gugolum]]''' || Gugolum<ref>Pronuntiatur ''gŭ-gŏ-lum''. Anglice: ''Googol'' ([[IPA]] \ˈgugəl\).</ref> definitur esse decem millia sedecillionum vel decem sedecilliarda.<br /> Numerus aequalis est 10.(10<sup>6</sup>)<sup>16.5</sup><br />(decies sextae decimae semiprimae potentiae numeri decem ad sextam potentiam evecti).<ref>In notatione Indo-Arabica ''Gugolum'' signatur nota 1 cum centum notis O subsequentibus.</ref>
|-
|10<sup>105</sup> || '''Gugolmultitudo''' || Mille septendecilliones vel unum septendecilliardum.<br />Aequalis est 10<sup>5</sup>.(10<sup>6</sup>)<sup>17.5</sup><br />(centies millies septimae decimae semiprimae potentiae basis decem ad sextam potentiam evectae).
|-
|10<sup>150</sup> || '''Magnum Gugolum''' || Unus quinvigintillio.<br />Aequalis est (10<sup>6</sup>)<sup>25</sup><br />(vicesimae quintae potentiae basis decem ad sextam potentiam evectae).
|-
|10<sup>200</sup> || '''Gargugolus''' || Centum tertrigintilliones.<ref>Vel quadratum ''Gugoli'', vel etiam ''Gugolum'' ad secundam potentiam evectus.</ref> Numerus aequalis est 10<sup>2</sup>.(10<sup>6</sup>)<sup>33</sup><br />(centies trigesimae tertiae potentiae basis decem ad sextam potentiam evectae). 
|-
|10<sup>500</sup> || '''Gugolcrepitus''' || Centum treoctogintilliones.<br />Aequalis 10<sup>2</sup>(10<sup>6</sup>)<sup>83</sup><br />(centies octogesimae tertiae potentiae basis decem ad sextam potentiam evectae).
|-
|10<sup>5000</sup> || '''Gugolcampana''' || Centum tretrigintoctingentilliones.<br />Numerus aequalis 10<sup>2</sup>(10<sup>6</sup>)<sup>833</sup><br />(centies octingentesimae tricesimae tertiae potentiae basis decem ad sextam potentiam evectae).
|-
|10<sup>10000</sup> || '''Permagnum Gugolum'''<br />vel '''Gougolferramentum''' || Decies mille millisexsexagintasexcentimilliones<br />vel Decem millisexsexagintasexcentimilliarda.<br />Quod aequale est 10.(10<sup>6</sup>)<sup>1666.5</sup><br />(novies millesimae sexcentesimae sexagesimae sextae semiprimae potentiae basis decem ad sextam potentiam evectae).
|-
|10<sup>100000</sup> || '''Gugolgongus''' || Mille sedecimillisexsexagintisexcentilliones<br />vel sedecimillisexsexagintisexcentilliardum.<ref>In numeratione Indo-Arabica signatur nota 1 cum centum millibus zerorum subsequentium.</ref> Aequalis est (10<sup>6</sup>)<sup>16666.5</sup><br />(sedecies millesimae sexcentesimae sexagesimae sextae semiprimae potentia decem unitatum ad sextam potentiam evectarum).
|-
|10<sup>1000000</sup> || '''Maximus millio'''<ref>Etiam nominatus ''Millioplex'' vel ''Gugolplux''.</ref> || Decem ad millionesimam potentiam evectus vel millies basis millionaria ad centesimam sexagesimam sextam, sexcentesimam sexagesimam sextam potentiam evecta. 
|-
|10<sup>1000000000</sup> || '''Billioplex''' || Decem ad millesimam millionesimam potentiam evectus.<ref>☞ Numerus perperam nominatus: Qui eum nominavit, nesciebat eum aequalem esse basi millionariae evectae ad millies centesimam sexagesimam sextam millesimam, sexcentesimam sexagesimam sextam potentiam. Cum scalae breves inaccurate construantur, potius esset nomen ''Milliardumplex''.</ref>
|-
|10<sup>gugolum</sup> || '''[[Googolplex|Gugolplex]]''' || Deest nomen arithmeticum: eum nominare proculdubio opus computatrale censemus.<br />'''Gugolplex''' significat decem ad gugolesimam potentiam evectus, id est, decem dignatus ad centesimam decem unitatum potentiam. 
|-
|10<sup>gugolplex</sup> || '''Gugolplexplex'''<ref>Etiam nominatus ''Gugolduplex'' uel ''Gugolplexianus'', quamvis deficiat nobis nomen eius arithmeticum: quod est computatro definiendum.</ref> || '''Gugolplexplex''' significat decem ad gugolplexesimam potentiam evectus, id est, decem dignatus ad decimam potentiam dignatam centesima basis decem potentia. 
|-
|}

== Numeri permagni in natura reperti ==
Scin tu . . .

. . . [[Universum]], secundum theoriam [[immanis diruptio|immanis diruptionis]], abhinc XIV fere [[milliardum|milliardis]] annorum creatum esse, celerissima expansione ex statu primaevo calidissimo ac densissimo?<ref>In theoria immanis diruptionis dicitur abhinc XIV fere milliarda annorum productum fuisse illud effectum, quod Universi nostri origo fuit.</ref>

. . . Terram abhinc IV [[milliardum|milliardis]], et DC millionibus annorum formatam esse?

. . . ''[[Australopithecus|Australopithecum]]'' ''afarensem'' abhinc IV millionibus annorum super Terram surrexisse?

. . . [[Via lactea|Viam lacteam]], vel orbem lacteum, [[galaxias|galaxiam]] esse, cuius diametrum est circiter C millia annorum luce mensorum latum?

. . . [[annus luce mensus|Annum luce mensum]] spatium esse in quo lux annua diffunditur, quod patet in longitudinem 9 460 730 472 580 800 m?<ref>Mensura sic elata per numeralia Romana: IX.CCCCCCCCCCCCCIↃↃↃↃↃↃↃↃↃↃↃↃↃ CDLX.CCCCCCCCCCCIↃↃↃↃↃↃↃↃↃↃↃ DCCXXX.CCCCCCCIↃↃↃↃↃↃↃ CDLXXII.CCCCIↃↃↃↃ DLXXX.CIↃ DCCC metra. Verbis tantum: novem billiarda, quadringenti sexaginta billiones, septingenta triginta milliarda, quadringenti septuaginta duo milliones, quingenta octoginta millia, octingenta metra.</ref>

. . . [[Homo sapiens|Hominem sapientem]] surrexisse abhinc ducentis fere millibus annorum, et eius praesentia in hoc mundo aequare solis CXLII millionesimis partibus durationis Universi?

== Notae ==
<references/>

[[Categoria:Numeri]]