Fontem paginae Lex refractionis inspicere

[[Fasciculus:Snells law2.svg|thumb|[[Refractio]] lucis transeuntis inter media, quibus sunt dispares [[index refractionis | indices refractiones]], n<sub>2</sub> > n<sub>1</sub>. Quia velocitas est minor in altero medio(v<sub>2</sub> < v<sub>1</sub>), angulus refractionis θ<sub>2</sub> est minor angulo incidentiae θ<sub>1</sub>; id est, radius in altero medio propior est normali.]]

'''Lex refractionis''', sive '''lex sinuum''', sive '''lex Snelliana''', est [[lex scientifica]] ac [[formula bene formata|formula]] de ratione angulorum [[angulus incidentiae|incidentiae]] et [[refractio]]nis lucis vel aliarum [[unda]]rum inter duo [[medium opticum|media]] [[isotropia|isotropica]] transeuntium, ut [[aqua]], [[vitrum]], [[aër]].<ref>Anglice de principiis legis refractionis [https://personal.math.ubc.ca/~cass/courses/m309-01a/chu/Fundamentals/snell.htm]</ref>

Hac [[lex scientifica|lege]] optici utuntur in [[vestigatio radiorum|vestigatione radiorum]] ut de angulis incidentiae aut refractionis ratiocinentur atque in [[optica]] experimentali ut [[index refractionis|indicem refractionis]] rei inveniant. Eidem legi paretur in [[materia transnaturalis|materiis transnaturalibus]], quae lucem indice refractionis negativo retro flectere queunt.

Lex refractionis ait eandem esse rationem [[sinus (mathematica)|sinuum]] angulorum incidentiae et refractionis, rationem [[velocitas undarum|velocitatum]] undarum in illis mediis, et inversum rationis [[index refractionis|indicum refractionis]]: 

:<math>\frac{\sin\theta_2}{\sin\theta_1} = \frac{v_2}{v_1} = \frac{n_1}{n_2}</math>

ubi littera <math>\theta</math> designatur angulus mensus a normali limitis, littera <math>v</math> [[velocitas lucis]] in utroque medio (cuius unitates sunt metra per secundum), et littera <math>n</math> index refractionis (unitatibus carens) utriusque medii.

Lex refractionis consequitur a [[Petrus Fermatius|Petri Fermatii]] [[principium brevissimi temporis|principio brevissimi temporis]], quod consequitur ab undanti propagatione lucis. 

Vocabulum "lex sinuum" inditum est quod de ratione sinuum angulorum agitur, "Snelliana" autem ex Batavo astronomo et mathematico [[Willebrordus Snellius|Willebrordo Snellio]], qui fuit unus ex pluribus eius legis inventoribus.

== Notae ==
<references />

[[Categoria:Optica]]