Fontem paginae Cumulus stellarum apertus inspicere

'''Cumulus stellarum apertus''' est grex [[stella]]rum qui plus quam circiter viginti usque ad nonnulla milia stellarum continet quae satis aequabiles sitae neque in medio confertae sunt. Tamen ab aliis stellis circumiectorum distinguendae sunt. (Greges magis conferti [[Cumulus stellarum globosus|cumuli stellarum globosi]] vocantur.)

[[Cumulus stellarum|Cumuli stellarum]] e nubibus molecularibus orti sunt. Materie nubis contracta stellae aequales partae sunt quae vi gravitatis cohibentur. Quo artius stellae congregatae sunt, eo diutius cumulus manet, nam gravitate aliarum stellarum ac cumuli stellarum motione propria ea congregatio paulatim—id est intra deciens ac viciens miliens centena milia (<math>1\cdot</math> '''ad''' <math>2\cdot 10^9</math>) annorum—dissolvitur.

== Exempla ==
Noti atque iam nudis oculis videndi sunt cumuli stellarum aperti [[Pleiades]] et [[Hyadae]], quorum uterque in constellatione [[Taurus (sidus)|Tauri]] situs est. Vix oculis nudis spectari potest ''Praesepe'' in [[Cancer (sidus)|Cancro]] sita.

Pleiadarum in parte interiore nonnullae [[Nebula gasorum|nebulae gasorum]] sunt quae luce stellarum caerulearum splendent. Hyadarum stellae anno [[1913]] ad inventionem [[Diagramma Hertzsprung-Russell|diagrammatis Hertzsprung-Russell]] maioris momenti erant, cum propter stellarum intervalla paene aequa [[luminositas]] ex earum [[Magnitudo (Astronomia)|magnitudine]] explorari posset.

== Bibliographia ==
* [[Carolus Messier|Charles Messier]], "[[Catalogue des nébuleuses et des amas d'étoiles]]" in ''[[Connaissance des temps|Connoissance des temps ... pour l'année bissextile 1784]]'' (Lutetiae, 1781) pp. 227-268 [http://gallica.bnf.fr/ark:/12148/bpt6k6514280n/f235.image textus] [http://messier.seds.org/xtra/history/m-cat81.html versio Anglica]

== Nexus externi ==
* "[http://messier.seds.org/open.html Open Star Clusters]" apud situm ''The Messier Catalog''

[[Categoria:Astronomia]]
[[Categoria:Greges stellarum]]

{{Myrias|Physica}}