Fontem paginae Codex (semiotica) inspicere

{{videdis|Caudex (discretiva)}}
[[Fasciculus:International Morse Code.svg|thumb|[[Alphabetum Morsianum|Codex Morse]] internationalis.]]
In locutione technica, '''codex'''<ref>''Glossarium Anglico-Latinum Redmond'', s.v. [https://web.archive.org/web/20120523043816/http://wredmond.home.texas.net/clittera.html ''Code'']; Herimannus Novocomiensis, De novo atque mirabili disco notionibus servandis apto, [http://ephemeris.alcuinus.net/archi2004/cultus/scientiae/index.php ''Ephemeris'' 2004].</ref> ([[Lingua Anglica|Anglice]] ''code'') est ars et ratio praescriptionum, quibus cuiusdam rei informatio (sicut litterarum notae, [[verbum (generale)|verba]], , [[notatio musica]], locutiones, gestus) in aliam convertatur formam repraesentandique modum. Itaque de signis in alia signa, non necesse eiusdem generis, reddendis agitur. 

== De codice notarum ==
Saepe codex vel ''code'' significare intellegitur notarum copiam, qua rei cuiusdam cum aliis [[communicatio|communicanda]] [[informatio]] forma aliquo modo mutata transferatur ad certum deliberatumque usum parata. Qua translatione communicatoria emissor humanus aut mechanicus nuntium alphabeto quodam compositum in talem convertit notarum habitum qui in medio quodam materiali (ut in [[Aër|aere]]) aut in aliquo canali (ut, puta, [[vis electromagnetica|vi electrica]]) procedere possit. Etiam oportet receptorem humanum aut mechanicum posse nuntium per notas missum petractare et interpretari. Quae cum ita sint, constat verbi gratia [[Scriptura Braille|scripturam Braille]] quendam esse notarum codicem ad eorum usum paratum, quibus opus sit sine visu legere. 

Codex non solum notarum repraesentationibus sed etiam, et quidem praecipue, regulis praeceptionibusque consistit, quibus verba et locutiones convertantur transmittendi<ref>Sicut [[codex Morse]] ad nuntios per [[filum electricum]] [[Telegraphum|telegraphandos]] usitatus.</ref> aut dissimulandi causa. Iam antiqui codicibus [[Cryptographia|cryptographicis]] utebantur, ut duobus in locis apud [[Suetonius|Suetonium]] legimus:<ref>Suet. ''Div. Iul.'' 56; ''Div. Aug.'' 88.</ref> [[Gaius Iulius Caesar|Caesarem]] et ad familiares et ad [[Marcus Tullius Cicero|Ciceronem]], si quid opus esset occultius dicere, "per notas" scripsisse.<ref>Suet. ''Div. Iul.'' 56 ''extant et ad Ciceronem, item ad familiares domesticis de rebus, in quibus, si qua occultius perferenda erant, per notas scripsit''.</ref> Etiam celandi aperit rationem: ''sic structo litterarum ordine, ut nullum verbum effici posset: quae si qui investigare et persequi velit, quartam elementorum litteram, id est D pro A et perinde reliquas commutet''. Quae ratio in formulam ita fere reddi potest:
:<math>C = \{\, A\mapsto D, B\mapsto E, C\mapsto F\,\ ,... \}</math>
Constat "notas" illas usitatis consistere litteris, quarum ordo ex praeceptionibus codicis statuitur. Codex (C) igitur ipse notarum inter se relationes definit. Etiam [[Augustus (imperator)|Augustus imperator]] per notas scripsisse fertur.<ref>Suet. ''Div. Aug.'' 88 ''Quotiens autem per notas scribit, B pro A, C pro B ac deinceps eadem ratione sequentis litteras ponit; pro X autem duplex A''.</ref>

== Notae ==
<references />

{{NexInt}}
*[[Codex geneticus]]

[[Categoria:Informatica]]
[[Categoria:Scripturae]]